A semana pasada fixemos unhas saborosas galletas de manteiga...
A receita era da profe Lupe, así que para comezar, todos copiamos como se facían nas nosas libretas.
Os ingredientes eran moi sinxelos de conseguir pois só necesitamos: Fariña, azucre e manteiga. Pero as cantidades eran para 4 persoas e nós necesitábamos facer galletas para 8 porque ademais de para nós, as galletas eran para os nosos amigos invisibles do CEE Infanta Elena de Monforte de Lemos.
Pois iso, que necesitamos averigar as cantidades necesarias antes de comezar (en realidade foi moi sinxelo porque como necesitamos o dobre do que poñía na receita só tivemos que multiplicar por dous)
Unha vez refixemos a receita coas novas cantidades puxémonos mans á obra... bueno máis ben, mans á masa jijijiji
Primeiro pesamos os ingredientes.
Despois mesturámolos ben...
... ata que a masa estaba no seu punto.
Despois fixemos boliñas , estirámolas e estampamos animais.
Como somos moi larpeiros, á metade da masa engadímoslle cacao! mmmmm
E por último 20 minutiños de forno a 180º ... Mirade que boa pinta! Estaban riquísimas, e saíron tan ben que puidemos levar a proba para a casa!
