EXCURSIÓN A LUGO. 2ª PARTE ("EL PROGRESO" E CASTRO DE VILADONGA")

Aquí tedes a segunda parte da excursión a Lugo: 

A visita ao xornal "El Progreso" (Lugo) e ao Castro de Viladonga no Concello de Castro de Rei.

Mirade un resumo en imaxes:

Cando saímos do Parque de bombeiros e logo de tomar unha pequena merenda, dirixímosnos ao Polígono de O Ceao, onde están as instalacións de montaxe do xornal "El Progreso".

Na entrada había unha sala de exposicións onde vimos uns vídeos e coñecemos moitos detalles sobre a historia de este xornal... sabiades que o primeiro número publicouse no ano 1908? E que en aquel momento só tiña unha portada, unha contraportada e dúas páxinas interiores? Pois si, e ademais na contraportada había un anuncio publicitario posto ao revés para chamar a atención!

 Despois de ver a exposición de xornais de 1908, pasamos a ver os almacéns de papel e as salas de máquinas, que aínda que estaban apagadas eran impresionantes (para poder velas funcionando teríamos que vir de noite que é cando se imprimen os xornais do día seguinte).

 E despois desta interesante visita, comemos á beira do Río Miño, no paseo fluvial! Fixo un día soleado e puidemos gozar da natureza antes de volver ao autobús e dirixirnos a Castro de Rei.

 E xa por último, visitamos o Castro de Viladonga! Onde puidemos visitar o castro e o museo...

 Se queredes coñecer mellor este fermoso xacemento arqueolóxico premede AQUÍ